malayshiyada 15 kishi haraqtin zeherlinip öldi
malayshiyada 15 kishining haraqtin zeherlinip ölgenliki ilgiri sürüldi.
türkiye awazi radiyosi xewiri: malayshiyada haraqtin zeherlengenliki ilgiri sürülgen 15 kishi jénidin ayrildi.
«star»gézitining bu heqtiki xewirige qarighanda, selangor saqchi idarisi bashliqi mazlan mensur kualalumpurdiki bezi dukanlardin sétiwélinghan haraqlarni ichken 15 ademning ölgenlikini bildürgen.
mensur haraqtin zeherlengen bolush éhtimalliqi bolghan 33 ademningmu doxturxanigha yatquzulghanliqini éytti.
haraqtin zeherlinip jénidin ayrilghanliqi ilgiri sürülgen kishiler ichide chet elliklerningmu barliqini éytqan mensur: ölümning sewebi jeset tekshürülgendin kéyin resmiy ayding bolidu. lékin közitishlerge qarighanda, ölgen kishilerning haraqtin zeherlengen bolush éhtimali yuqiri, dédi.
bildürülüshiche, saqchilar bu weqedin kéyin bezi dukanlardiki haraqlarni yighiwalghan.
