ispaniyede ataqliq artist xiristiyan dinigha haqaret qilish bilen eyiblinip nazaretke élindi

türkiye awazi radiyosi xewiri: ispaniyening resmiy xewer agéntliqi «EFE» ning munasiwetlik xewiride, williy tolédoning chaqirilghan sotqa kelmigenliki yüzisidin tutush buyruqi chiqirilip, nazaretke élinghanliqi bildürüldi.

48 yashliq tolédo bügün madridta tengrige we hezreti meryemge haqaret qilish bilen eyiblinip sot qilinidu.

tolédoni qollaydighan senetchiler uning nazaretke élinishigha qarshi shu yerning waqti saet 23:00 te madridtiki barrio tiyatirxanisida toplishidighan boldi.

tolédoning aldinqi yili iyul éyida ijtimaiy taratqu hésabi fésbukta tarqatqan uchuri arqiliq tengrige we hezreti meryemge haqaret qilghanliqi ilgiri sürülgen idi.

buninggha qarita xiristisan adwokatlar jemiyiti télodigha qarshi sotqa erz sunghan idi.

tolédo bolsa, héchqandaq jinayet ötküzmigenlikini, shunglashqa sotqa bérishningmu hajiti yoqluqini ilgiri sürüp, sot mehkimisige bérishni ret qilghan idi.

tolédo heqqide turghuzulghan délo beziler teripidin «pikir erkinlikining cheklimige uchrishi» dep qaralmaqta.

ispaniyede buningidin ilgirimu öz ismi jos miguél arénay béltran we sehnidiki ismi «waltonyij» dep tonulghan rap muzikantmu «uqughan naxshilirida padishah ailisige haqaret qilish, térrorluqni maxtash we tehdit sélish bilen eyiblinip, 3 yérim yilliq qamaq jazasigha höküm qilinghan idi.

rap muzikant béltran jaza ijra qilinishtin ilgiri bélgiyege qéchip ketken bolup, ispaniye uning heqqide tutush buyruqi chiqarghan we bélgiyedin qayturup bérishni telep qilghan idi.

bélgiye mehkimisi béltranning ispaniyege qayturup bérilidighan yaki bérilmeydighanliqigha 17 – sintebir küni höküm chiqiridu.