b d t misir hökümitini ölüm jazasi qararini buzup tashlashqa chaqirdi
b d t insan heqliri komissarliqi misir hökümitini musulman qérindashlar teshkilati ezalirigha bérilgen ölüm jazasini qararini buzup tashlashqa chaqirdi.
türkiye awazi radiyosi xewiri: birleshken döletler teshkilati insan heqliri aliy komissari maykél bachélét, misir hökümitini musulman qérindashlar teshkilatigha eza 75 kishige bérilgen ölüm jazasi qararini buzup tashlashqa chaqirdi.
burun chilining pirézidénti bolghan bachélét bu heqte yazma bayanat bérip, musulman qérindashlar teshkilati mesulliridin muhemmed el-biltaji bolup 75 kishige ölüm jazasi bérilishidin qattiq qayghurghanliqini bildürdi.
ötken shenbe küni échilghan sot we bérilgen jazaning «adaletsiz»bolghanliqini alahide eskertip ötken bachélét, nawada sotning qarari ijra qilinghan teqdirde «tüzetkli bolmaydighan éghir xataliq»peyda bolidighanliqini éytti.
bachélét misirda musulman qérindashlar teshkilatining 739 ezasining sotlinishining qattiq naraziliq keltürüp chiqarghanliqini, lékin rabia meydanidiki weqelerge arilashqan xewpsizlik xadimlirining yéngi chiqqan qanun türtkiside qoghdilip qélishining ziddiyetlik ehwal ikenlikini eskertip mundaq dédi: «adalet hemme ademge barawer bolushi kérek, hemme adem qanun aldida barawerdur.»
musulman qérindashlar teshkilati ezalirigha qanuniy wekillik heqqi we özlirini aqlash pursiti bérilmigenlikini eslitip ötken bachélét, misir teptish idarisiningmu sot mehkimisini gumandarlarning jinayet sadir qilghanliqi toghruluq yéterlik delil-ispatlar bilen teminlep bérilmigenlikini alahide eskertip ötti.
bachélét qahire jinayiy ishlar sot mehkimisining ölüm jazasi qararining buzup tashlinishi lazimliqini eskertip: misir aliy sot mehkimisining bu qararni qaytidin közdin kechürüp chiqishini arzu qilimen, dédi.
insan heqliri aliy komissarliq wezipisini bu yil 1-séntebirde bashlighan bachélit, misir mehkimilirini xelqara adaletke hörmet qilishqa chaqirdi.
bachélét 2013-yili 14-awghustta rabiya we nehda meydanlirida musulman qérindashlar teshkilati ezaliri teshkilligen namayishlarda texminen 900 «qolida tömürningmu suniqi yoq namayishchi»ning saqchilar teripidin étip öltürülgenlikini eslitip ötüp, herbiy-siyasiy özgirish qozghighuchilarning bu qetliamning jawabkari ikenlikini bildüdi.
misirda ötken shenbe küni musulman qérindashlar teshkilatigha eza 75 kishige ölüm jazasi bérilgenidi.
