shi jinping köp qutupluq dunyani we afriqagha ehmiyet bérishni tekitlidi

türkiye awazi radiyosi xewiri:  xitay tashqi ishlar ministirliqi b d t bash katipi antoniyo gutérs bilen tyenenmén meydanidiki xelq chong sariyida körüshkenliki toghrisida bayanat élan qildi.

bayanatta, xitay dölet reisi shi jinpingning hazirqi ehwalda bir qutupluq bilen soda békinmichilikining xelqara tertipke we dunya bashqurush sistémisigha zerbe bergenlikini bildürdi. u: «dunya her chaghdikidin téximu köp qutuplishishqa we téximu küchlük bolghan b d t gha éhtiyajliq» dédi.

u b d t ning dunyada heywe körsitishlerge xitab qilalaydighan ortaq tereqqiyat we dunyawi hemkarliqlarda bashlamchiliq rol oynishini kütidighanliqlirini, béyjing hökümitining islahatni chongqurlashturush iradisining qetiy özgermeydighanliqini eskertti.

u barliq tereplerni soda erkinklikini we  sodini asanlashturushni qoghdashqa yéteklesh üchün emeliy heriketke ötüshni we échiwétilgen dunya iqtisadini bina qilishni arzu qilidighanliqlirini qeyt qildi.

u yene, afriqaning tinchliqi we tereqqiyatigha yardem qilishning b d t ning exlaqiy mejburiyiti ikenlikini tekitlep, b d t ning afriqagha aldin ehmiyet bérishi kéreklikini bildürdi.

bash katip gutérs b d t köp qutupluq dunya berpa qilishqa tirishchanliq körsitish pirinsipi arqiliq béyjing hökümiti bilen diyalog we hemkarliqlarni kücheytishni xalaydighanliqini qeyt qildi.