amérika türkiye heyitining washingtondiki uchrishishliri toghrisida bayanat élan qildi
amérika tashqi ishlar ministirliqi bayanatchisi héitér nauért, enqere bilen washington arisidiki mewjut mesililerni hel qilishni nishan qilghan söhbetlerning dawamlishiwatqanliqini bildürdi.
türkiye awazi radiyosi xewiri: bayanatchi nauértning, tashqi ishlar ministiri yardemchisi sedat önal riyasetchilikidiki 9 kishilik türkiye heyiti bilen tashqi ishlar ministiri yardemchisi jon sulliwan riyasetchilikidiki amérika heyitining uchrishishi toghrisida élan qilghan yazma bayanatida, «türk emeldarlar bilen qoshumche uchrishishlarni ötküzduq. söhbetler dawamlishiwatidu» dégen ibarilerge orun bérildi.
bayanatta yene, «tashqi ishlar ministiri yardemchisi jon sulliwan, türkiye tashqi ishlar ministiri yardemchisi bash elchi sedat önal bilen körüshti. ikki rehber (türkiyede nezerbent astida turuwatqan) rahip brunsonni öz ichige alghan ikki terep munasiwetlirige alaqidar bir qatar témilar üstide sözleshti» dégenlerni qeyt qildi.
washingtondiki uchrishishlirini dawamlashturuwatqan türkiye heyitige tashqi ishlar ministiri yardemchisi sedat önal riyasetlik qilmaqta. heyetning amérika tashqi ishlar ministirliqidiki etigen ötküzgen söhbiti 50 minutqa yéqin dawamlashti.
türkiye heyitide tashqi ishlar ministirliqi, edliye ministirliqi we xezine we maliye ishliri ministiri berat albayraq ministirliqliridin üchtin wekilning barliqi qeyt qilinghanidi.
türkiye heyitining uchrishishlirigha türkiyening washingtonda turushluq bash elchisi serdar qilichmu hemrah bolmaqta.
