iran amérika émbargolirining yolgha qoyush imkanining yoqluqini bildürdi

türkiye awazi radiyosi xewiri: jewad zarif irandiki aldinqi qatarda turidighan nopuzluq «iran géziti» ning ziyaritini qobul qilghanda, yadro kélishimide yene bir terep bolghan yawropa döletlirining irandin néfit sétiwalidighan döletler bilen birmu bir körüshüp «amérika émbargolirigha qarimastin import qilishni dawamlashturushni tewsiye qildi» dédi.

u yawropaning amérika émbargolirigha qarimastin iran merkiziy bankisining yawropa bankiliri bilen resmiyetlirini asanlashturush üchün izchil tirishiwatqanliqinimu bildürdi. u mundaq dédi:

«yawropaning émbargolargha qarshi chiqishi amérikani yalghuzluqqa mehkum qildi.»

u «amérikaning 5-noyabir iran néfitigha émbargo qoyup, néfit éksportini nölge chüshürüshni meqset qilghanliqi» heqqidiki soalgha:

«amérikaliqlar bu xil emeliyettin yiraq we imkani bolmighan xiyallirini eqlide tutushni xalisa, jezmen buning netijiliridinmu xewerdar bolushi kérek. <iran néfit éksport qilalmisa, bashqiliri éksport qilidu> dégen bundaq ehwalning otturigha chiqishi qetiy mumkin emes» dep jawab berdi.

iran yadro kélishimi (Joint Comprehensive Plan of Action – JCPOA) 20 ay dawamlashqan muzakireler netijiside 2015-yili 14-iyul awstiriye paytexti wiyénnada, amérika, engliye, firansiye, rusiye, xitay we gérmaniyedin ibaret alte dölet hemde yawropa ittipaqi bilen iran otturisida imzalanghan idi. kélishim, téhranning yadro piroerammisidin waz kéchishi bedilige, irangha yürgüzülüwatqan émbargolarning emeldin qaldurulushini teklip qilatti.

 2016-yili 16-yanwar yolgha qoyulghan «keng dairelik birlikte heriket qilish pilani» (KOEP) dep atalghan yadro kélishimidin chékinidighanliqlirini we irangha qarshi émbargolarning qaytidin yolgha qoyulidighanliqini élan qilishi bilen, amérika maliye ministirliqi irangha qarshi émbargolarning 90 we 180 künlük ikki basquch boyiche qaytidin yolgha qoyulidighanliqini bildürgen idi.