«yemende xelqara qanun depsende qilinmaqta»
yawropa ittipaqi mesulliri yemende xelqara qanunning depsende qiliniwatqanliqini bildürdi.
türkiye awazi radiyosi xewiri: yawropa ittipaqi yemende xelqara qanunning éghir derijide depsende qiliniwatqanliqini bildürdi.
yawropa ittipaqi tashqi alaqe we xewpsizlik siyasiti aliy wekili fédérika mogérini bilen yawropa ittipaqi komitétining insaniy yardem we kirizisqa taqabil turush ishlirigha mesul kiristos sitayliyidésning qoshma bayanatida mundaq déyildi: «hudeybiyde élip bériliwatqan hawa hujumliri tüpeyli nurghun adem ölmekte, bu yemende xelqara qanunning éghir derijide depsende qiliniwatqanliqining delilidur.»
puqralargha qilinghan hujumlar qattiq eyiblengen bayanatta, yemendiki tereplerning puqralarning bixeterlikini qoghdishi lazimliqi eskertildi.
mektep, sehiye orunliri, turalghu jaylar, portlar we ayrodurumlarning hujum nishani qiliniwatqanliqi eskertilgen bayanatta, ammiwi teshkilatlarning éghir ziyangha uchrighanliqi tekitlendi.
birleshken döletler teshkilati yemen alahide wekili martin giriffithisning yemende tinchliq muzakirilirini bu yil 6-séntebirde bashlashni pilanlighanliqidin xushalliq hés qilinghanliqi alahide eskertilgen bayanatta, barliq terepler b d t bashchiliqida élip bériliwatqan diplomatik xizmetlerni qollashqa chaqirildi.
