ispaniyede bir ayropilanda yanfun batariyesi partlap ketti
qattiq chöchüp ketken yoluchilar qorqunchtin özlirini sirtqa étishqa tirishti.
türkiye awazi radiyosi xewiri: ispaniyening bersélona shehiride irlandiye hawa yoli shirkiti «Ryanair» gha tewe ayropilan qozghilishtin ilgiri ayropilan ichide yanfon batariyesi partlap ketti.
qattiq chöchüp ketken yoluchilar qorqunchtin özlirini sirtqa étishqa tirishti.
yoluchilarning ayropilandin chiqishi üchün birla derwaze échilghan bolghachqa, chiqish esnasida qisti – qistangchiliq yüz berdi.
yawropa yobiche eng erzan bahaliq hawa yoli shirkiti depmu bilinighan «Ryanair» hawa yoli shirkiti qattiq tenqidke uchridi.
yoluchilar ayropilandiki kütküchilerning yéterlik derijide köngül bölmigenlikini we barliq derwazilarni taqap qoyup, birla derwazini achqanliqi sewebidin qistangchiliq yüz bergenlikini éytti.
«Ryanair» hawa yoli shirkiti xadimliri xizmet sharaitlirining yaxshilap bérilishini telep qilip ish tashlighanliqi sewebidin qéyin künlerni bashtin kechürmekte.
