kések altun döletliri bashliqlar yighini bayannamisi
jenubiy afriqining jngohanésburg shehiride chaqirilghan 10 – nöwetlik biraziliye – rusiye – hindistan – xitay – jenubiy afriqa (kések altun) döletliri bashliqlar yighini bayannamisi élan qilindi.
türkiye awazi radiyosi xewiri: bayannamide, ochuq – yoruqluq we köp tereplik soda sistémisini qollash we dunyaning oxshimighan rayonlirida dawamlishiwatqan toqunushlargha xatime bérish telep qilinip mundaq déyildi: «dunya soda teshkilatining qanun – belgilimilirige asasen ochuq – yoruqluq we köp tereplik soda sistémisini qollaymiz hem qaytidin testiqlaymiz. köp tereplik soda sistémisining mislisiz derijide qiyinchiliqlargha duch kéliwatqanliqini obdan bilimiz, ochuq – yoruqluq dunya iqtisadiining nahayiti zor ehmiyetke ige ikenlikini tekitleymiz.»
bayannamidae, kések altun döletliri bashliqlar yighinining énérgiye sahesige alaqidar qararliri toghruluq mundaq déyildi: «biraziliye – rusiye – hindistan – xitay – jenubiy afriqa (kések altun) döletliri énérgiye ministirliri, kések altun döletliri énérgiye tetqiqat hemkarliqi munbiri qurush toghruluq kélishim tüzdi.»
kések altun döletliri bashliqlar yighinida, énérgiye sahesidin sirt yene, su mesilisi we yéza igilik qatarliq nurghun sahelerde hemkarliq ornitish toghruluq qedem tashlandi.
yene bir tereptin, kések altun döletlirining, ottura sherq we shimaliy afriqa qatarliq dunyaning oxshimighan rayonlirida dawamlishiwatqan toqunushlargha xatime bérilishi, israiliye – pelestin otturisidiki toqunush, süriye we yemendiki kirizisning téximu köp uzimasliqi toghriliqmu birdeklik hasil qilghanliqi tekitlinip mundaq déyildi: «bolupmu pelestin – israiliye otturisidiki toqunush qatarliq uzaq mezgillik toqunushlarni hel qilish kéchiktürülmesliki lazim. quddus mesilisini hel qilish toghruluq israiliye bilen pelestin otturisidiki muzakirilerde qarar chiqilirishi lazim.»
birleshken döletler teshkilati yéqin sherq pelesitnlik musapirlargha yardem bérish orginini toluq qollaydighanliiqini bildürgen kések altun döletliri, «texminen 5.3 milyon pelesitnlik musapirgha telim - terbiye we sehiye jehettin köpligen sahelerdiki yardemliri tüpeyli birleshken döletler teshkilati yéqin sherq pelesitnlik musapirlargha yardem bérish orginini tebriklidi.
igilinishiche, yighin bügün kések altun döletliri bashliqlar yighinigha teklip bilen qatnashqan dölet bashliqlirining uchrishishidin kéyin axirlishidiken.
مۇناسىۋەتلىك خەۋەرلەر
