خىتاي ھەربىي پاراخوتلىرى تالاش - تارتىشلىق تاقىم ئاراللىرىغا كىردى

ياپونىيەنىڭ كىيودو ئاگېنتلىقىنىڭ ياپونىيە دېڭىز ساھىلى بىخەتەرلىك ئىشتابىدىن ئېلان قىلىنغان باياناتنى مەنبە قىلغان خەۋىرىدە، خىتايغا تەۋە 3 پاراخوتنىڭ شەرقىي خىتاي دېڭىزىدىكى تالاش – تارتىشلا ئاراللارنىڭ ئەتراپىدا كۆرۈلگەنلىكى بىلدۈرۈلدى.

باياناتتا خىتاي پاراخوتلىرىنىڭ ئەتىگەن سەھەردە ئاراللارنىڭ ئەتراپىدا تەخمىنەن 1 يېرىم سائەت تۇرغانلىقى قەيت قىلىندى.

شەرقىي خىتاي دېڭىزىدا ياپونىيە «سىنكاكۇ»، خىتاي بولسا، «دايۇ» دەپ ئاتلايدىغان 5 ئارال ۋە 3 قىيالىقتىن تەشكىل تاپقان تاقىم ئاراللىرى بولۇپ، ئىككى دۆلەت ئوتتۇرىسىدا ئۇزۇندىن بۇيان ئىگىلىك ھوقۇقى تالاش - تارتىش قىلىنىپ كەلمەكتە. 

ياپونىيە ھېچ كىشى ياشىمايدىغان بۇ ئاراللارنىڭ ئۆزىگە تەۋە ئىكەنلىكىنى ئىلگىرى سۈرۈپ، خىتاينى بۇ يەرگە كۆزەتكۈچى پاراخوتلارنى يوللاش ئارقىلىق ياپونىيە دېڭىز تەۋەلىكى ھوق - ھۇقۇقىغا تاجاۋۇز قىلىش بىلەن ئەيىبلىمەكتە. 

بۇ تاقىم ئارالىرىنىڭ ئەتراپىدا چارلاش ئۈچۈن چىققان ياپونىيە پارخوتى بىلەن خىتاي پاراخوتلىرى پات – پات بىر – بىرىگە ئاگاھلاندۇرۇشلارنى يوللاپ تۇرىدۇ.