israiliye ghezzede yene zorawanliq qildi
israiliye ramizan éyining axirqi jüme künide ghezzede yene zorawanliq qildi.
türkiye awazi radiyosi xewiri: ghezze chégrasida ötküzülgen we texminen 10 ming kishi qatnashqan «keng kölemlik yurtqa qaytish sepiri» we «quddus küni» namayishlirida pelesitnlik puqralar yene israiliye dölet xewpsizlik küchlirining hujum nishanigha aylinip qaldi.
israiliye eskerliri türkiye bayriqini kötürüwalghan pelesitnlikler qurghan chédirlargha uchquchisiz hawa apparatliri arqiliq ot qoyup berdi.
ghezzediki sehiye ministirliqining bildürüshiche, israiliye eskerlirining oq chiqirishi netijiside 4 pelesitnlik shéhit bolghan, 600 din artuq pelesitnlik yarilanghan.
ötken hepte yaridarlargha mudaxile qilish üchün sahede wezipe ötewatqan pelesitnlik sistéra rezzan ennejjarni qetl qilghan israiliye eskerliri tünügünmu yene 2 neper sehiye xadimi bilen 5 neper axbarat wasitiliri xadimini yarilandurdi.
ghezzediki sehiye ministirliqining melumatlirigha qarighanda, 117 kishi heqiqiy oq bilen yarilanghan bolup, yarilanghanlardin 26 si nariside bala, 14 i ayal iken.
