rusiye pirézidénti wiladimir putinning awistiriye ziyariti
rusiye pirézidénti wiladimir putin rusiye bilen awistiriye otturisida 1968 – yili imzalanghan «tebiiy gaz kélishimi» ning 50 – yili munasiwiti bilen awistiriyening paytexti wiyanada ziyarette boldi.
türkiye awazi radiyosi xewiri: putin uchrishishliri dairiside awistiriye pirézidénti aléksandér wan dér béllén we bash ministiri sébastian kurz bilen ayrim – ayrim körüshti.
wiladimir putin kurz bilen élip barghan uchrishishida, eger yawropa süriye we qoshna döletlerdin köchmenler éqinini azaytishni xalisa, süriyeliklerge yardem bérishning yawropa ellirige nisbeten zörüriyet ikenlikini tekitlidi.
uchrishishtin kéyin ikki dölet otturisida baj imtiyazlirini dawamlashturush we téxnika yéngilash saheside hemkarliq ornitishni öz ichige alghan türlük kélishimler imzalandi.
rusiye pirézidénti wiladimir putinning bu ziyariti, 18 – mart küni ötküzülgen pirézidéntliq saylimida ghelibe qilghan we wezipige olturghandin kéyinki tunji chet el ziyariti bolup hésablinidu, shuning bilen bir waqitta, yéqinqi aylarda gherbiy yawropa dölitige qilghan tunji sayahiti bolush alahidilikige ige.
