pelestinliklerni qoghdash layihesi awazgha qoyulidu
pelestinliklerni xelqaraliq qoghdash astigha élishni telep qilghan layihe, bügün (1-iyun) b d t xewpsizlik kéngishide awazgha qoyulidu.
983527
türkiye awazi radiyosi xewiri: pelestinliklerni xelqaraliq qoghdash tedbirliri telep qilghan layihe, bügün b d t xewpsizlik kéngishide awazgha qoyulidu.
b d t xewpsizlik kéngishining waqitliq ezaliridin küweyt teripidin kéngeshke sunulghan we texminen ikki heptidin buyan "sodiliq" qiliniwatqan layihening tünügün (31-may) awazgha qoyulushi pilan qiliniwatatti.
diplomatik menbeler küweytning yawropa döletlirining qollishini qolgha keltürüsh üchün layihening tili we bezi ipadileshlerni özgertkenlikini bildürdi.
xewpsizlik kéngishide ret qilish hoquqigha ige we her qétimliq munberde isirailiyeni qoghdap kéliwatqan amérika, barliq özgertishlerge qarimastin layiheni ret qilidighanliqini élan qildi.
