ukrainada rusiyelik muxbir öltürülgen
ukrainada rusiyelik muxbir arkadiy babchénkoning öyide hujumgha uchrap jénidin ayrilghanliqi bildürüldi.
türkiye awazi radiyosi xewiri: ukraina ichki ishlar ministirliqi paytext kiyéwdiki téléwiziye qanallirining biride riyasetchilik qilidighan babchénkoning öltürülgenlikini élan qildi.
ministirliqning babchénkoning qutquzush mashinisi bilen doxturxanigha élip méngiwatqanda yolda jan üzgenliki eskertilgen bayanatida: "weqe paytext kiyéwning dnépropétrowsk nahiyesidiki nikolsko-slobodskaya kochisida yüz berdi. doxturlargha bir ayal téléfon qilghan we yoldishini öyde qanlar ichide yatqanliqini körgen. hujumgha uchrighuchi, deslepki melumatlargha asaslanghanda, bel tereptin alghan zerbe tüpeylidin jénidin ayrilghan. ölgüchi bir téléwiziye qanilining riyasetchisi bolup, 1977-yili tughulghan, rusiye fédértsiyesining puqrasi. u 2017-yili rusiyedin ayrilip, kiyéwgha yerleshken " déyildi.
oxshimighan gézit we téléwiziye qanallirida xizmet qilghan babchénko kiyéwdiki qirim tatar téléwiziyesi a t r (ATR) de özi teyyarlighan pirogrammining riyasetchilikini qiliwatatti.
