amérikining 25 ishtatida israiliyeni bayqut qilghan shirketler jazalandi
amérikining marilendi, arizona, shimaliy karolina, pénsilwaniye, niyu jérséy we oxiyogha oxshash chong ishtatliri bolup jemiy 25 ishtatta israiliyeni bayqut qilghan shirketler jazalandi.
türkiye awazi radiyosi xewiri: amérikining liyuzanna ishtatida israiliyeni bayqut qilghan shirketlerge dölettin ish bérishni chekleshni mezmun qilghan qararname maqullandi.
liyuzanna ishtat bashliqi jon bél édwards teripidin imzalanghan mezkur qararnamide bolupmu israiliyening pelestindiki qetliam we ishghaliyet qilmishlirigha qarshi dunya miqiyasida israiliyeni bayqut qilishni teshebbus qilip kéliwatqan «bayqut, yétim qaldurush we émbargo»herikitige orun ajritildi.
qararnamide liyuzanna ishtatida dölettin ish élip qiliwatqan shirketlerning israiliyeni bayqut qilidighan paaliyetke qatnashmaydighanliqi we israiliyeni bayqut qilghan shirketlerning qolida ish toxtamnamisi bolsa bikar qilinidighanliqi alahide eskertildi.
ishtat bashliqi édwards qararname toghruluq bayanat bérip mundaq dédi: «israiliye amérikining ottura sherqtiki eng chong ittipaqdéshi we rayondiki birdinbir démokratiyelik dölettur. israiliye bilen bolghan munasiwitimiz hem amérikigha hemde ishtatimizgha nurghun paydilarni élip keldi. israiliye bayqut qilinsa tebiiy halda munasiwitimiz ziyangha uchraydu. liyuzana bolup jemiy 25 ishtatta israiliyeni bayqut qilish cheklendi, biz bu 25 ishtat qataridin orun alghanliqimizdin tolimu xursenmiz.»
israiliyeni bayqut qilidighan paaliyetlerge qatnashqan shirketlerge dölettin ish bérishni chekligen ishatlar ichide marilendi, arizona, shimaliy karolina, pénsilwaniye, niyu jérséy we oxiyogha oxshash chong ishtatlarmu bar.
