pelesitnlikler erdoghangha rehmet éytti
pelestinning kolombiyediki diplomatik wakaletxanisining siyasiy ishlar meslihetchisi karlos montéro pelesitnliklerning jesur we adil qararliri tüpeyli jumhur reis rejep tayyip erdoghandin intayin minnetdar ikenlikini éytti.
türkiye awazi radiyosi xewiri: montéro türkiye xelqining pelesitnliklerning qérindishi ikenlikini, enqerening pelesitn xelqini baghrigha bésishining türkiyening pelestin bilen bolghan diplomatik munasiwetlirining barghanséri küchiyishide türtkilik rol oynawatqanliqini tekitlidi.
türkiyening xelqara qanungha, bolupmu israiliye bilen amérika qoshma ishtatliri teripidin depsende qiliniwatqan birleshken döletler teshkilati qararlirigha mas halda heriket qiliwatqanliqini eskertken montéro mundaq dep körsetti: «pelesitnlikler jesur we adil qararliri tüpeyli jumhur reis rejep tayyip erdoghandin intayin minnetdar hem erdoghangha köptin- köp rehmet éytidu.»
türkiyening dunya boyiche pelesitnliklerning heq – hoquqlirini qoghdawatqan döletlerning béshida kélidighanliqini tekitligen montéro, türkiyening bu heqtiki tirishchanliqlirining ereb elliridin nechche hesse yuqiri ikenlikini qeyt qildi.
türkiye, jenubiy afriqa we irélandiyening pelestinni qizghin qollighanliqini eskertken montéro, rusiye, xitay, yawropa elliri, biraziliye, chili, boliwiye, urugway we méksika qatarliq döletlerningmu pelestinni qollap pozitsiye tutuwatqanliqini bildürdi.
