mattis beshshar esed hakimiyitige jawab bérish üchün teyyar ikenliklirini bildürdi
amérika dölet mudapie ministiri mattis ittipaqdashlarbilen duma nahiyeside yüz bergen ximiyelik hujumgha munasiwetlik istixbaratlarni analiz qilishni dawamlashturuwatqanliqlirini, hujumgha jawab bérish üchün herbiy tedbirlerning teyyar ikenlikini éytti.
türkiye awazi radiyosi xewiri: amérika dölet mudapie ministiri mattis gollandiye dölet mudapie ministiri ank bijléwéld bilen besh burjeklik bina (amérika dölet mudapie ministirliqi, péntagon) da körüshti. u muxbirlarning soallirigha jawab bérip, qorshaw astidiki sherqiy ghute rayonining duma nahiyeside 78 ademning jénidin ayrilishigha seweb bolghan ximiyelik hujum toghrisida: «biz ittipaqdashlirimiz bilen istixbaratlarni analiz qilishni dawamlashturuwatimiz, buni tekshürüwatimiz» dédi.
u bir muxbirning buyruq bérilgen ehwalda qarshi terepke hujum qilishqa teyyar yaki teyyar emesliki toghrisida sorighan soaligha: «pirézidéntning qarar qilish basquchida, muwapiq körülse herbiy tallash yollirini sunushqa teyyar turuwatimiz» dep jawab berdi.
beshshar esed hakimiyiti 7-aprél (shenbe) sherqiy ghutede öktichiler kontrol qilip turuwatqan axirqi qorghan duma nahiyeside ahaliler rayonigha qilghan ximiyelik qoral hujumida, 78 adem jénidin ayrilghan idi.
