amérika türkiyediki muhim herbiy bazisi toghruluq bayanat élan qildi
amérika qoshma ishtatliri dölet mudapie ministirliqi enqerening washingtonning shimaliy atlantik ehdi teshkilatidiki daimiy ittipaqdishi ikenlikini bildürdi.
türkiye awazi radiyosi xewiri: amérika tashqi ishlar ministirliqi bayanatchisi joni maykél «amérika qoshma ishtatlirining adanadiki injirlik herbiy bazisidiki bir qoral - yaragh iskilatini bashqa bir döletke yötkigenliki» ge alaqidar soalgha jawab bergende, türkiyening amérika qoshma ishtatlirining shimaliy atlantik ehdi teshkilatidiki ittipaqdishi ikenlikini, bu ittipaqdashliq munasiwetning izchil dawamlishidighanliqini tekitlep mundaq dédi: «türkiyening injirlik herbiy bazisining roli hem shimaliy atlantik ehdi teshkilati hem ittipaqdash küchliri üchün nahayiti zor ehmiyetke ige, amérika qoshma ishtatlirining türkiyediki injirlik herbiy bazisidiki qoral – yaragh iskilati bilen yawropada turushluq qisimlirigha qarashliq eskerlerni wezipe ötesh saheliri ichidiki rayonlarning biridin bashqa jaygha yötkigenlikimiz toghruluq intérnétte tarqalghan xewerlerning hemmisi pütünley yalghandur. bu xewerler, özara ishenchni kücheytishimiz, birlikte heriket qilishimiz we ortaq menpeetlirimizni közde tutushimiz intayin zörür bolghan bir peytte, pitne térishni nishan qilghan.»
