gherbiy qirghaqta yehudiy éqindilar pelestinliklerge hujum qildi
gherbiy qirghaqning oxshash bolmighan jaylirida yohudiy éqindilar bezi pelestinliklerning aptomobillirigha tash étip hujum qildi we bir qanche pelestin puqrasini yaridar qildi.
türkiye awazi radiyosi xewiri: shahitlarning bayan qilishiche, ramallahning gherbidiki pelestin zéminigha sélinghan doléw qanunsiz yehudiy oltuuraq rayonida turushluq bir guruppa yehudiylar israilye eskerlirining qoghdishi astida rayondiki yézilargha baridighan chong yolgha topliship, pelestinliklerning aptomobillirigha we yipade kétiwatqan puqralargha tash étip hujum qilghan.
pelestin xewer agéntliqi wafaning gheriby qirghaqtiki olturaqlishish ishliri mesuli ghassan deghlesni menbe qilghan xewiride, yehudiy éqindilarning nablustiki huwwara tekshürüsh ponkitigha yéqin jayda aptomobillargha hujum qilghanliqi we bezi pelestinliklerning yénik yaridar bolghanliqi qeyt qilindi.
ghassan deghles biracha olturaq rayonidiki yehudiylarning nablusning jenubidiki burindimu pelestinliklerning öylirige hujum qilghanliqini bildürdi.
gherbiy qirghaqning selfit shehiri etrapidimu tünügün yüz bergen pichaqliq hujumda, bir yehudiy köchmenning ölgenliki uqturulghan idi.
shahitlar weqedin kéyin israiliye eskerlirining selfit shehiri etrapidiki bir qanchilighan pelestin olturaq rayonlirigha bésip kirip tekshürüsh élip barghanliqini we sheherning kirip - chiqish éghizlirini pütünley taqiwalghanliqini éytqan idi.
