sénégalliq oqughuchilar afrindiki türkiye eskerlirige dua qildi

türkiye awazi radiyosi xewiri: sénégalning paytexti dakarda islam insitituti oqughuchiliri türkiyening afrindiki térrorluq teshkilatlirigha qarshi bashlighan zeytun shéxi herbiy herikitige we türkiye eskerlirige dua qildi.

sénégalliq oqughuchilar marakeshning padishahi 2 - hesen teripidin 1964 – yili yasalghan we dakarning eng chong jamesi hésablinidighan ulu jemege topliship, «mehmetchikler» (yeni türk eskerliri)ning zeytun shéxi herikitide ghelibe qilishi üchün fetih sürisi we bashqa sürilerni oqup dua qildi.

islam insitituti imami dijibril sow élan qilghan bayanatida, türkiyening bügünki künde islam dunyasigha rehberlik qiliwatqanliqini we jumhur reis rejep tayyip erdoghanning musulmanlar, bolupmu zulumgha uchrighan milletler üchün kéche - kündüz tirishshiwatqanliqini bildürdi.

afriqa qitesining türk xelqi bilen bolghan rishtisining osmanli xelipiliki bilen bashlanghanliqini tilgha alghan imam, bügünki kündimu türkiyening yene sénégalgha quchaq échiwatqanliqini éytti.

dijibril sow: «islam dunyasi üchün körsetken tirishchanliqliri üchün jumhur reis rejep tayyip erdoghan bizningmu lidérimizdur. türkiyeni wetinimiz we türkiye eskerlirini öz eskerlirimiz dep bilimiz» dédi.

dijibril sow pütün islam dunyasigha tinchliq we xatirijemlik tiligendin kéyin: «i allahim! türkiyening barliq qiyinchiliqilirini hel qilip bergin! türkiyeni téximu yuqiri örletkin, biznimu shereplik türkiye armiyesi qatarida qilghin!» dep dua qildi.