amérikining panamada turushluq bash elchisi trampqa naraziliq bildürüp wezipisidin istépa berdi
amérikining panamada turushluq bash elchisi jon filéy, pirézidént trampning bezi latin amérikisi we afriqa elliridin kelgen köchmenler toghrisidiki sözlirige naraziliq bildürüp wezipisidin istépa berdi.
türkiye awazi radiyosi xewiri: amérikining panamada turushluq bash elchisi jon filéy, amérika pirézidénti donald trampning bezi latin amérikisi we afriqa elliridin kelgen köchmenlerni közde tutup ishletken «ademning könglini élishturidighan döletlerdin kélishidu» dégen sözlirige naraziliq bildürüp wezipisidin istépa berdi.
amérika taratquliri we ijtimaiy taratqularda orun alghan xewerlerge qarighanda, filéy amérika tashqi ishlar ministirliqigha yollighan istépa mektupida, bu sewebtin pirinsiplirigha toghra kelmigenliki üchün tramp hökümitige xizmet qilalmaydighanliqini eskertken.
ministirliq filéyning wezipisidin ayrilidighanliqini jezmleshtürdi we 9 – marttin bashlap xususiy sewebler tüpeyli dem élishqa chiqishqa qarar qilghanliqini uqturdi.
jon filéy, 2015 – yili iyul éyida amérikining sabiq pirézidénti barak obama mezgilide panama bash elchilikige teyinlengenidi.
pirézidént trampning aqsaraydiki bir yighinida, bezi latin amérikisi we afriqa döletliridin kelgen köchmenlerni eyiblep, «köngülni élishturidighan döletlerdin kélishidu» dégenliki qeyt qilinghanidi.
taratqularda orun alghan xewerlerde, jumhuriyetchi qanatning jenubiy karolina palata ezasi lindséy graham we démokratchi qanatning illinois palata ezasi dik durbin qatarliqlar ishtirak qilghan bir yighinida, trampning «némishqa köngülni élishturidighan bu döletlerdin kishilerning bu yerge kélishini xalaymiz. norwégiyedin téximu köp köchmen qobul qilishimiz lazim» dégenliki eskertildi.
