xitay amérikaning émbargosigha qarshi chiqti
xitay hökümiti puqralirini amérikaning émbargo tizimlikige kirgüzgenlikidin qattiq biaram ikenlikini bildürdi.
türkiye awazi radiyosi xewiri: xitay tashqi ishlar ministirliqi bayanatchisi xua chünying axbarat élan qilish yighinida, amérikaning xitay saqchi emeldari gawyenni émbargo tizimlikige kirgüzgenlikige naraziliq bildürdi.
bayanatchi xua chünying amérikaning özining ichki qanunigha asasen bashqa dölet puqralirigha émbargo yürgüzüshige qarshi ikenliklirini bildürüp, buningdin qattiq biaramliq hés qilghanliqlirini éytti.
xua chünying amérikaning bashqa döletlerning edliye musteqilliqige arilashmasliqi kéreklikini eskertti we ikki dölet otturisidiki kishilik hoquq sahesidiki munasiwetlerning ziyangha uchrimasliqi üchün, washigtonning xataliqini tüzütüshi lazimliqini tekitlidi.
amérika xezine ministirliqi 2016-yili kongre teripidin testiqlanghan magnétsky kishilik hoquq qanuni ramkisi boyiche élan qilghan émbargo tizimlikige, xitay saqchi emeldari gawyennimu kirgüzgen idi.
xitay saqchisi gawyen kishilik hoquq paaliyetchisi saw shünlining ölüp kétishige jawabkar dep qaralghan idi.
magnétsky kishilik hoquq qanuni boyiche bolghanda, émbargo tizimlikige kirgüzülgenlerning amérikadiki mal-mülki tonglitilidu yaki amérika bilen bolghan soda munasiwiti cheklinidu.
