isirailiye eskerliri yene rast oq ishletti
isirailiye eskerliri iyordan deryasining gherbiy qirghiqi we quddusta partlighan namayishlarda rast oq étip, 33 pelestinlikni yarilandurdi.
türkiye awazi radiyosi xewiri: amérika pirézidénti donald trampning 6-dékabir imzalighan quddus qararigha bolghan naraziliqlar dawam qilmaqta. isirailiye eskerliri iyordan deryasining gherbiy qirghiqi bilen quddusta trampning qararigha qarshi namayish qilghan pelestinliklerge qaritip rast oq chiqardi.
quddusta trampning qararigha qarshi jim olturuwélish namayishi uyushturghan pelestinliklermu, isirailiye saqchilirining zorawanliqidin quruq qalmidi. weqelerde, besh pelestinlik rast oq bilen, 28 pelestinlik plastik oq bilen yarilandi, 114 pelestinlik isirailiye saqchiliri atqan gazdin zeherlinip jénidin ayrilip qilishqa tas qaldi.
bügüngiche iyordan deryasining gherbiy qirghiqi, ghezze we quddusta partlighan namayishlarda töt pelestinlik jénidin ayrildi, mingdin artuq pelestinlik yarilandi.
trampning qararigha qarshi namayishlar dawamlishiwatqan peytlerde, marakeshte ereb döletliri parlamént kéngishi jiddiy toplinip, trampning qararini küchke ige emes we qanunsiz dep élan qilish bilen birge, amérikani «tinchliq qoghdighuchisi» bolush rolidin waz kéchishke chaqirdi.
