исираилийә әскәрлири йәнә раст оқ ишләтти
исираилийә әскәрлири ийордан дәрйасиниң ғәрбий қирғиқи вә қуддуста партлиған намайишларда раст оқ етип, 33 пәләстинликни йариландурди.
түркийә авази радийоси хәвири: америка пирезиденти доналд трампниң 6-декабир имзалиған қуддус қарариға болған наразилиқлар давам қилмақта. исираилийә әскәрлири ийордан дәрйасиниң ғәрбий қирғиқи билән қуддуста трампниң қарариға қарши намайиш қилған пәләстинликләргә қаритип раст оқ чиқарди.
қуддуста трампниң қарариға қарши җим олтурувелиш намайиши уйуштурған пәләстинликләрму, исираилийә сақчилириниң зораванлиқидин қуруқ қалмиди. вәқәләрдә, бәш пәләстинлик раст оқ билән, 28 пәләстинлик пластик оқ билән йариланди, 114 пәләстинлик исираилийә сақчилири атқан газдин зәһәрлинип җенидин айрилип қилишқа тас қалди.
бүгүнгичә ийордан дәрйасиниң ғәрбий қирғиқи, ғәззә вә қуддуста партлиған намайишларда төт пәләстинлик җенидин айрилди, миңдин артуқ пәләстинлик йариланди.
трампниң қарариға қарши намайишлар давамлишиватқан пәйтләрдә, маракәштә әрәб дөләтлири парламент кеңиши җиддий топлинип, трампниң қарарини күчкә игә әмәс вә қанунсиз дәп елан қилиш билән биргә, американи «тинчлиқ қоғдиғучиси» болуш ролидин ваз кечишкә чақирди.
