musulman dunyasidiki shirketler amérikigha soda bayquti yolgha qoyushqa chaqirildi

türkiye awazi radiyosi xewiri: mawritaniyede  hökümet we soda-sanaetchiler amérikigha soda bayquti qilishqa chaqirildi.

mawritaniyening paytexti nowakshotta quddus témiliq mexsus yighin ötküzüldi.

yighingha qatnashqan dini zatlar musulman we ereb dunyasidiki shirketlerni amérikini bayqut qilishqa we amérika mallirini import qilmasliqqa chaqirdi.

yighin ishtirakchiliri ereb xelqini amérika hakimiyiti quddus qararidin waz kechküche naraziliq namayishlirini toxtatmasliqqa, mawritaniye hökümitini washingiton bilen bolghan munasiwitini üzüp tashlashqa chaqirdi.

jumhur reis rejep tayyip erdoghanning pelestin mesilisige tutqan pozitsiyesi medhiyelengen yighinda ereb rehberliridinmu pelestin mesilisige erdoghangha oxshash pozitsiye bildürüsh telep qilindi.

amérika pirézidénti donald tramp 6-dékabirda muxbirlarni kütüwélish yighini ötküzp birleshken döletler teshkilati xewpsizlik kéngishining 1980-yili israiliyening sherqiy quddusni mejburiy qoshuwélip paytext élan qilishini qanuniy jehettin küchke ige qilmasliqni mezmun qilghan 478 nomurluq qararining eksiche, «quddusni israiliyening paytexti süpitide étirap qilidighan waqit yétip keldi»dégenidi.

donald tramp arqidinla tashqi ishlar ministirliqigha amérikining tél-awiwdiki elchixanisini quddusqa yötkesh üchün teyyarliq qilishqa yolyuruq chüshürgenlikini bildürdi.