ruméniye amérikadin bashqurulidighan bomba sitéwalidu
ruméniye dölet mudapie ministiri mixail wiyorél fifor amérikadin «wetenperwer» (Patriot)namliq bashqurulidighan bomba sétiwélish toghrisida bayanat élan qildi.
türkiye awazi radiyosi xewiri: ruméniye dölet mudapie ministiri mixail wiyorél fifor kéngesh palatasining mudapie komitéti bilen körüshkendin kéyin, amérikadin «wetenperwer» namliq bashqurulidighan bomba sétiwélish toghrisida bayanat élan qildi. u ruméniye armiyesining bu bashqurulidighan bomba sistémiliri bilen qorallandurulushining, döletni serxil bolghan «yawropa we dunyawi mudapie kulubi» gha kirgüzidighanliqini eskertip, amérika hökümitidin yette «wetenperwer» bashqurulidighan bomba sétiwélishqa, qoshulghanliq mektubi kelgenlikini bildürdi.
u buning ruméniye armiyesi üchün peqet bir qedem ikenlikini, bu yil yette bashqurulidighan bombidin birni tapshurup alghanliqlirini, 2020-yilida bashqurulidighan bomba sistémilirining qurulidighanliqini eskertti.
jemiy 3.9 milyard dollar bolghan yette dane «wetenperwer» namliq bashqurulidighan bomba sétiwélish mesilisi, kéngesh palatasining mudapie komitéti qoshulghandin kéyin, qanun teklipi sheklide kéngesh palatasi omumiy kéngishige sunulidu.
