gollandiyelik türk siyasetchi wildérsning sözlirige jayida jawab qayturdi

türkiye awazi radiyosi xewiri: girt wildérs gollandiye parlaméntida söz qilip, «bu gollandiye parlaménti. bu yerde gollandiyelik bolushi kérek. men parlaméntta türk, marakeshlik yaki bir shiwétsiyelik bolushini xalimaymen. méning buni déyish heqqim yoqmu? bu méning dölitim» dédi.

parlamént ezaliri we ministirlarning qosh puqra bolushigha qarshi ikenlikini bildürgen wildérs, ularning ikki döletke sadaqetmen bolushning ornigha parlaméntida turuwatqan döletke sadaqetmen bolushi kéreklikini ilgiri sürdi.

uning bu sözliri parlaméntta küchlük naraziliq peyda qildi. türkler teripidin qurulghan tengdash partiyesi siyasiy rehbiri tunaxan quzu, «kimning gollandiyelik yaki emeslikige wildérs emes, döletning asasiy qanuniy höküm qilidu. qosh puqraliq salahiyitige ige bolush bir kishining döletke bolghan sadaqitige nisbeten héchnémini ipadilimeydu. bir kishining sadaqiti uning heriketliri arqiliq bahalinidu» dégenlerni qeyt qildi. tunaxan quzu sözini dawamlashturup, wildérsning bu jehette bashqilarning emes, özining sadaqitini tekshürüsh körüshi kéreklikini eskertken halda, «wildérs, burunlarda israiliye elchixansiida öyidikidinmu köprek waqit ötküzdi. bu ehwal qattiq diqqet qozghighanliqi üchün, gollandiye dölet bixeterlik tarmaqliri buni tekshürüshke mejbur bolup qaldi» dégenlerni sözlirige ilawe qildi.

wildérs rehberlikidiki erkinlik partiyesi, mart éyida ötküzülgen omumiy saylamda 20 parlamént ezasi bilen döletning ikkinchi chong siyasiy partiyesi bolghanidi.