amérika xelqi trampning siyasetliridin razi emes
amérika ielqining arisida pirézidént donald trampning siyasetliridin razi emeslerning nisbitining %58 ge chiqqanliqi bildürüldi.
türkiye awazi radiyosi xewiri: «wol strét zhurnili géziti» ning NBC téléwiziyesi bilen birlikte emelge ashurghan xelq rayini sinash netijiside körsitilishiche, amérika pirézidénti donald tramp wezipisini bashlighandin buyan, amérika xelqi ichide uning siyasetliridin razi bolmighanlarning nisbiti qaytidin eng yuqiri sewiyege yetken, razi bolghanlarning nisbiti %38 ge töwenligen.
pirézidént trampning NFL putbolchilirigha tutqan pozitsiyesi, sehiye sahesidiki islahati we porto rikoda quyun apitidin kéyinki seperwerlik xizmetliride körülgen mesililer, xelqning eng chong naraziliqini qozghighan ishlar bolup qalghan.
xelqning neziride, tramp tashqi siyasette wezipisini layiqida ijra qilmidi, dégen qarash üstün orunda bolup, shimaliy koréye kirizisimu xelqning neziride selbiy tesir peyda qilghan.
xelq rayini sinash 23-26-öktebir künliri 900 kishi üstidin élip bérilghan bolup, xataliq perqining %3.27 ikenliki bildürüldi. «galip» xelqara tetqiqat shirkitining iyun éyida pirézidént tramp üstide élip barghan tunji qétimliq ray sinash netijisi, uninggha bolghan ijabiy qarashning töwenlewatqanliqini körsetken idi.
