shimaliy koréye kelgüside téximu köp süniy hemrah qoyup béridighanliqini bildürdi

türkiye awazi radiyosi xewiri: shimaliy koréyening birleshken döletler teshkilatidiki daimiy wekili kim in riyong kelgüside dölitining téximu köp süniy hemrah qoyup bérishni pilanliwatqanliqini éytti.

kim in riyong b d t tashqi pilanétadin tinchliqni meqset qilghan halda paydilinish xizmetliri komitéti yighinida söz qilip, amérikining shimaliy koréyening tashqi pilanétadin tinchliqni meqset qilghan halda paydilinish üchün élip bériwatqan xizmetlirige tosalghu bolup kéliwatqanliqini bildürdi.

shimaliy koréyening bu sahede  élip bériwatqan xizmetlirining qanunluq ikenlikini éytqan kim in riyong mundaq dédi: «amérika eng köp süniy hemrah qoyup bergen dölet turup bizning xelqaraning tinchliqi we xewpsizlikige tehdit sélip kéliwatqanlimizni biljirlap kelmekte, bu eqilge muwapiq bolmighan qarash, shundaqla qosh ölchemdur.»

kim in riyong tünügün b d t da söz qilghandimu koréye yérim arilining weziyitining téximu murekkepliship ketkenlikini, shunga her qachan yadro urushining yüz bérip qélishining éhtimalining barliqini éytqanidi.

amérika pirézidénti donald tramp ötken ay niyuyorkta chaqirilghan 72-nöwetlik b d t omumiy kéngesh yighinida söz qilip, shimaliy koréye yadro xizmetlirini dawamlashturghan teqdirde amérikining bu döletke tigishlik jazasini béridighanliqini éytip mundaq dégenidi: «shimaliy koréye pirézidénti rakétagha oxshaydiken, u hem özini hemde dölitini weyran qilimen dégendekla heriket qilidiken, nawada amérika özi we ittipaqdashlirini qoghdashqa mejbur bolup qalsa, dölitimizning shimaliy koréyeni pütünley yoq qiliwétishtin bashqa tallash yoli qalmaydu. amérika buni qilalaydighan qudretke ige, buni her qachan wjudqa chiqiralaydu, biraq buninggha hajet qalmasliqini arzu qilimen.»