arakanliqlar olturghan yene bir kéme gherq bolup ketti
birma armiyesi we ashqun buddistlarning hujumliridin qéchip bangladish terepke ötüp ketmekchi bolghan arakanliq musulmanlar olturghan kémining gherq bolup kétishi, altisi kichik bala bolup jemiy 12 adem hayatidin ayrildi.
türkiye awazi radiyosi xewiri: bangladish saqchi emeldari sheyx eshrefuzzaman, arakanliq musulmanlar olturghan bir kémining ölchemdikidin köp yoluchi salghanliqi sewebidin bügün etigen shah porir dwip tewelikide gherq bolup ketkenlikini bildürdi.
qutquzuwélinghan 21 kishining kémide 65 etrapida adem barliqi toghrisidiki uchur bilen teminligenlikini qeyt qilghan eshrefuzzaman, altisi kichik bala bolup jemiy 12 kishining jesitining tépilghanliqini sözlirige ilawe qildi.
igilinishiche, yoqap ketken arakanliq musulmanlarni izdesh – qutquzush xizmetliri dawam qilmaqta iken.
25 – awghusttin buyan birmadiki zorawanliq weqeliridin qéchip bangladishqa ötüp ketmekchi bolghan arakanliq musulmanlar olturghan kémilerning gherq bolup kétishi netijiside kem dégende 184 adem hayatidin ayrildi.
birma armiyesining qoralliq militaristlargha qarshi küresh qilidighanliqini ilgiri sürüp, arakandiki puqralargha qaratqan 25- awghusttin buyanqi hujumlirida minglarche musulman hayatidin ayrildi. birma dairiliri, rayongha kirish – chiqishlargha ruxset qilmighanliqi üchün, hazirghiche ölgen puqralar sanini éniqlash imkaniyiti bolmidi.
armiye bilen milletchi buddistlarning hujumlirida 200 etrapida yézigha ot qoyup bérildi yaki weyran qilip tashlandi. 1970 – yillardin buyan sistémiliq étnik tazilash hujumlirigha uchrap kéliwatqan ikki milyon arakanliq musulmanning %84 i qoshna ellerde panahlanmaqta.
