strasburgda térrorluq teshkilati setchiliki
firansiyede strasburg waliy mehkimisi yawropa kéngishining xizmetchi xadimliri ishlitidighan aptomobil toxtitish meydanini bölgünchi térrorluq teshkilati p k k terepdarlirining namayishi we chédirlarni qurushi üchün berdi.
türkiye awazi radiyosi xewiri: strasburgtiki yawropa kéngishi binasining aldidiki aptomobil toxtitish meydani waliy mehkimisining qararigha asasen waqitliq taqaldi hemde yawropa kéngishi parlamént ezaliri mejlisining 9 – 13 – öktebir künliri chaqirilidighan omumiy kéngesh yighinida bölgünchi térrorluq teshkilati p k k terepdarlirining ishlitishige bérildi.
yawropa kéngishi teripidin bu heqte élan qilinghan yazma bayanatta, mundaq déyildi: «strasburg bas – rhim waliy mehkimisi 9 – 13 – öktebir künliri yawropa kéngishi binasining aldida namayish ötküzülidighanliqini bildürdi. namayishqa sirttin kélip qatnishidighan namayishchilarning ishlitishi üchün kéngesh binasining udulidiki aptomobil toxtitish meydanigha chédirlar qurulidu. dölet xewpsizlik organliri namayishni yéqindin közitiwatidu. shunga xizmetchi xadimlarning namayish jeryanida agahlandurushlargha riaye qilishini soraymiz.»
térrorluq teshkilati terepdarliri yawropa kéngishining xizmetchi xadimliri ishlitiwatqan aptomobil toxtitish meydanigha tünügün qurulghan chédirlarning sirtida yene, térrorluq teshkilatining kattibéshi abdullah öjalanning qoyup bérilishi meqsitide yawropa sheherlirini ayliniwatqan bir aptubusni toxtitip ighwargerlik qildi.
