radikal yehudiylar saqchilarning hemrahliqida mesjidi eqsagha bésip kirdi

türkiye awazi radiyosi xewiri: quddus islamiy fondiy jemiyetliri axbarat ishliri bayanatchisi firas dibs teripidin élan qilinghan yazma bayanatta, «200 ge yéqin radikal yehudiy guruppa sheklide herem sheripning derwazliri we hoylisida turushluq nurghun sandiki israiliye saqchilirining hemrahliqida eqsagha bésip kirdi» déyildi.

firas dibs musulmanlarning mesjidi eqsagha kirishte israiliye saqchilirining axturushigha duchar boluwatqanliqini tekitlep, israiliye saqchilirining quddus islamiy fondiy jemiyetlirige qarashliq mekteplerdiki oqughuchilarnimu aware qilidighanliqini, andin ularning kirishige ruxset qiliwatqanliqini qeyt qildi. 

 yehudiy kalindarlirigha binaen yil béshi hésablinidighan we «rush ashana» tebriklinidighan künlerde, radikal yehudiylarning mesjidi eqsagha téximu köp yésip kirish éhtimali barliqi texmin qilinmaqta.