ang san suchi b d t omumiy kéngesh yighinigha qatnishishtin waz kechti

türkiye awazi radiyosi xewiri: arakanliq musulmanlargha qilghan muamilisi seweblik gherb döletliri bilen musulmanlarning naraziliqini qozghighan birma dölet reisi ang san su chining birleshken döletler teshkilati omumiy kéngesh yighinigha qatnashmaydighanliqi uqturuldi.

ang san su chining bayanatchisi zaw hitay teripidin élan qilinghan bayanatta birmaning dölet reisining b d t omumiy kéngesh yighinigha qatnashmaydighanliqi, uning ornigha birma muawin dölet reisi hénriy wan tiyoning qatnishidighanliqi bildürüldi.

bayanatchi ang san suchining néme üchün qatnashmaydighanliqi toghruluq melumat bermidi, biraq  b d t insan heqliri aliy komissari zeyd raad el hüseyinning birmaning arakan ölkisidiki musulmanlar duchar boliwatqan zorawnliq weqelirining irqiy qirghinchiliq bolidighanliqini bildürüshidin kéyin, ang san suchining ziyaritini emeldin qalduruwétishi alahide diqqet qozghidi.

rayondiki zorawnliq weqelirige süküt qilip turuwélish bilen eyiblengen nobél tinchliq mukapat sahibi ang san suchi, dalay lama, pakistanliq maarip paaliyetchisi malala yusufzay we jenubiy afriqiliq din ustazi désmond tutugha oxshash bashqa nobél tinchliq mukapat sahibliri teripidinmu tenqidlengenidi.

bu ariliqta birma dölet reislik ishxansi arakanliq musulmanlarning turmushini we bixeterlikini yaxshlaydighan teklip-layihelerni emeliyleshtürüshke mesul 15 kishilik komitét qurulghanliqini uqturdi.

mezkur komitétqa  b d t ning sabiq bash katipi  kofi annan bashchiliqidiki komitétning ötken ay bu jehettiki teklip-pikirlirini öz ichige alghan doklat teqdim qilghanliqi bildürüldi.

bildürülüshiche, birma hökümiti teripidin qurulghan bu komitét arakanning iqtisadiy, bixeterliki we ijtimaiy saheside xizmetler élip bérishtin bashqa, arakanliq musulmanlarning birma  puqrasi süpitide étirap qilinishi üchünmu xizmet ishleydiken.