b d t bash katipi: shimaliy koréye – amérika otturisidiki sürkilish zoriyip ketti
birleshken döletler teshkilati bash katipi antonio guttérrés shimaliy koréye bilen amérika otturisidiki sürkilishning ilgiri héch körülüp baqmighan sewiyege yetkenkilini éytti.
türkiye awazi radiyosi xewiri: guttérrés birleshken döletler teshkilati bash merkizide ötküzülgen axbarat élan qilish yighinida, shimaliy koréye bilen amérika otturisidiki sürkilish we wénézuéladiki özgirishler heqqide toxtalghanda, «kirizisni siyasiy yollar bilen hel qilish kérek, chünki herbiy mudaxilining netijiliri intayin qorqunuchluq bolidu» dédi.
koréye urushida (1951 – 1953 – yillar) 3 milyondin artuq kishining hayatidin ayrilghanliqini eskertken guttérrés, xataliqlarni tekrarlimasliq üchün tarixtin tejribe – sawaqlarni yekünlesh kéreklikini tekitlep mundaq dédi: «birleshken döletler teshkilati xewpsizlik kéngishining axirqi émbargo qararidin shimaliy koréyeni ochuq - ashkara agahlandurush nishan qilinidu. eslide émbargolarni barliq döletlerge yürgüüsh lazim.»
kirizisni diplomatik yollar we diyalog arqiliq hel qilishqa tirishishning zörürlükini qeyt qilghan guttérrés, zörür tépilghanda, birleshken döletler teshkilatining hemishe teyyar ikenlikini éytti.
wénézuéladiki siyasiy we iqtisadiy muqimsizliq toghriliqmu toxtalghan guttérrés, hökümet bilen öktichilerni diyalog ötküzüshke we kirizisni siyasiy yollar arqiliq hel qilishqa chaqirdi.
amérika pirézidénti trampning wénézuéla üchün qilghan «herbiy tallash yolimu söhbet üstilide» teriqisidiki sözlirige alaqidar soalgha jawab bergen guttérrés: «latin amérika muweppeqiyetlik halda chet el mudaxililiridin we mustebit rehberlerdin qutulush nishanigha yetti. buning adaqqiche dawamlishishi shert, jümlidin wénézuéladimu ishqa ashurulushi lazim» dédi.
