pakistanda yéngi kabént wezipisini bashlidi
pakistanda yéngi bash ministir shahid xaqan abbasining wezipisini bashlishi bilen, yéngi ministirlarmu qesem bérip wezipe tapshurwaldi.
türkiye awazi radiyosi xewiri: islamabadtiki pirézidéntliq mehkimiside yéngi ministirlarning qesem bérip wezipe tapshuruwélish murasimi ötküzüldi. murasimgha, pirézidént memnun hüseyin we bash ministir abbasi qatnashti. abbasi tünügün (3-awghust) kechte asasiy qanun mehkimisi teripidin hoquqidin élip tashlanghan sabiq pirézidént nawaz sherif bilen achqan yighindin kéyin, 46 kishilik yéngi ichki kabént békitildi.
yéngi kabéntta, dölet mudapie ministiri bolup wezipe ötewatqan hawaja muhemmed asif tashqi ishlar ministiri boldi. pakistanda 2013-yildin buyan tashqi ishlar ministiri yoq bolup, tashqi ishlar ministirliqining meslihetchisi sertach aziz wakaliten tashqi ishlar ministirliqi wezipisini ötewatqan idi.
élan qilinghan yéngi kabént nawaz sherifning inisi penjap ölkisining bash ministiri shahbaz sherif bash ministir bolghiche texminen 45 kün waqitliq wezipe öteydu. shahbaz 1 yérim aydin kéyin ötküzülidighan saylamdin kéyin parlaméntqa kirelise yéngi bash ministir bolidu.
pakistan asasiy qanun mehkimisi 28-iyul aile ezaliridin bezilirining panama höjjetliri bilen ashkarilanghan parixorluq qilmishlirigha chétilip qalghanliqini ilgiri sürüp, nawaz sherifni bash ministirliq hoquqidin élip tashlighandin bashqa, uning «parlamént we sotqa nisbeten durus muamile qilmighanliqi» ni eskertip, bash ministirliq wezipisige layiq emeslikini bildürgen we siyasiy hoquqidin ömürwayet cheklinishke höküm qilghan idi.
