amérikida naheq öltürülgen bir qaratenlikke 15 milyon dollar tölinidighan boldi

türkiye awazi radiyosi xewiri: washingitonda oghlining köz aldida saqchilar teripidin étip öltürülgen qoralsiz qara tenlik puqraning ailisige texminen 15 milyon dollar tölem töleydighan boldi.

fédératsiye sot mehkimisi 2013 - yili saqchilar bilen talash - tartish qiliwatqan peytte saqchi mergini birayin markért teripidin étip öltürülgen qaratenlik amérika puqrasi lénard tomasning ailisige 15 milyon dollar tölem tölesh qarari chiqardi.

7 kishidin terkip tapqan sot bahalighuchi heyiti saqchilarning tomasning 4 yashliq oghlini qalqan qilip ishletkenliki yaki sodilishish boyumi süpitide ishletkenlikige dair eyibleshlerni ret qildi.

amérikining wiskonsin ishtatidiki fédératsiye sot mehkimisimu 2 saqchi teripidin étip öltürülgen bir ayalning ailisige 7 milyon dollar tölem tölesh qarari chiqarghan idi.

madison shehiride 3 yil ilgiri yüz bergen mezkur weqede ashléy dipiyazza isimlik ayal söygini bilen urushup qalghan we söyginini tapancha bilen qorqutup, mejbur özi bilen birge öyge soliwalghan bolup, uninggha mudaxile qilish üchün öyge kirgen saqchilardin 2 memur u ayalni öyde étip öltürgen idi.