tirésa méy teshkilligen hökümet ishench awazigha érishti
engliye bash weziri tirésa méy teshkilligen hökümetning parlaméntta shimaliy irélandiyediki démokratik ittipaq partiyesining qollishi bilen ishench awazigha érishkenliki bildürüldi.
türkiye awazi radiyosi xewiri: bash wezir méyning shimaliy irélandiyediki radikal ongchi démokratik ittipaq partiyesining sirttin qollishi bilen qurghan hökümet, 309 gha qarshi 323 awaz bilen ishench awazigha érishti.
bash wezir tirésa méy parlaménttiki awaz bérishke qatnishish üchün gérmaniye paytexti bérlinde ötküzülüwatqan G-20 teyyarliq yighinidin baldurla ayrildi.
tashqi ishlar weziri boris jonsonmu awaz bérishke qatnishish üchün shiwéytsariyediki qibris konféransigha qatnashmasliq yolini tallidi.
engliyede 8-iyun ötküzülgen saylamda 650 kishilik parlaméntta 317 kishilik orungha érishken konsérwatiplar, hökümetni teshkillesh üchün 10 parlamént ezasining qollishini qolgha keltürdi. kélishimge asasen, hökümet shimaliy irélandiyege ikki yil boyiche 1 milyard fondstérling qoshumche maliye yardimi qilidu. parlaménttiki saylamlarda shimaliy irélandiye démokratik ittipaq partiyesi konsérwatiplarni qollaydu. emma, ikki partiye birleshme hökümet qurmaydu.
