awstraliye musapirlargha tölem töleshni qobul qildi
fédératsiye hökümitining papua yéngi giwinéyesige qarashliq manus arilidiki nazaret merkizide tutup turulghan 1905 kishige tölem töleshni qobul qilghanliqi élan qilindi.
türkiye awazi radiyosi xewiri: awstraliye musapirlargha 52 milyon dollar tölem töleydu؛ awstraliye, 2012 – yili bilen 2016 – yilliri arisida manus arilidiki nazaret merkizide jismaniy we rohiy bésimgha uchrighan 1905 musapirgha tölem töleshni qobul qildi.
manus arilidiki nazaret merkizide tutup turuluwatqanlar namidin sotqa erz sunghan sléytér we gordon qanun shirkiti adwokatliridin rory walsh muxbirlarni kütüwélish yighini ötküzüp, fédératsiye hökümitining papua yéngi giwinéyesige qarashliq manus arilidiki nazaret merkizide tutup turulghan 1905 kishige tölem töleshni qobul qilghanliqini élan qildi.
mezkur qanun shirkitining adwokatliridin andréw béykér, tölem pulining 1905 musapirgha oxshash miqdarda tarqitip bérilidighanliqini eskertip, «bu kélishim, manus arilidiki nazaret merkizide tutup turuluwatqanlarning qanchilik nachar sharaitta ikenlikining bir namayandisi» dédi.
sot mehkimisi maqullighan teqdirde, 20 milyon awstraliye dollirigha yétidighan erz sunush – sot chiqimlirinimu hökümet üstige alidiken.
