panamaning sabiq mustebit pirézidénti öldi

türkiye awazi radiyosi xewiri: ottura amérika döletliridin panamaning sabiq pirézidénti mustebit manuél noriga 83yashta öldi.

panama uchur-alaqe ishliri manuél dominguéz mustebit norigining ölgenlikini uqturdi, biraq ölüm sewebi üstide toxtalmidi.

bultur ménge opratsiyesi qilinghan noriga méngisige qan chüshüp doxturxanigha yatquzulghanidi.

panama pirézidénti jun karlos waréla Twitter adrésida bu heqte uchur tarqitip mundaq dédi: «norigining ölümi bilen tariximizning bir sehipisi yépildi.»

1984-yili panamaning pirézidénti bolghan noriga, amérika qoshma ishtatliri 1989-yili pamanini ishghal qilghuche 6 yil hakimiyet béshida qaldi.

pirézidént waqtida amérikini qollighan noriga, ottura amérikida kommunizimning tarqilip kétishige tosalghu bolush üchün heriket qilghan washingiton hakimiyitining muhim shirikliridin biri bolghanidi.

amérika hakimiyiti xelqige bésim siyasiti yolgha qoyup,  zeherlik chékimlik etkeschilikige ariliship qalghan pirézidént norigini aghdurup tashlash üchün 1989-yili panamani ishghal qildi.

amérikining pamana ishghal qiliwélishidin kéyin  pamanadiki watigan elchixanisidin panahliq tiligen noriga, 1990-yili 3-yanwarda teslim boldi.

sotlinish üchün amérikigha élip bérilghan noriga, zeherlik chékimlik etkeschiliki, qara pul yuyush we qanunsiz pul yighish qatarliq jinayiy qilmishlar bilen eyiblinip 17 yil qamaq jazasigha höküm qilindi.

noriga 2010-yiligha kelgende firansiyede kokayin etkeschiliki bilen shughullinip kirim qilghan pullarni firansiye bankiliri wastisi arqiliq yuyush bilen eyiblinip yene 7 yil qamaq jazasigha höküm qilindi.

firansiye teripidin 2011-yili pamanagha qayturup bérilgen noriga, bu qétimmu pirézidént waqtida siyasiy reqiblirini qestlesh bilen eybilinip 3 qétim ayrim-ayrim 20 yil qamaq jazasigha höküm qilindi.

türmide ménge raki diaginozi qoyulghan noriga ménge opratsiyesi qilinghanliqi üchün bu yil yanwarda qoyup bérildi.