seudi erebistandin iraqqa 27yildin kéyin tunji ziyaret

türkiye awazi radiyosi xewiri: seudi erebistandin iraqqa 1990-yildin buyan tunji qétim tashqi ishlar ministiri sewiyeside ziyaret élip bérildi.

seudi erebistan tashqi ishlar ministiri adil el jubeyr, baghdadta deslep iraqliq mensebdéshi ibrahim jaferi bilen, arqidin iraq bash ministiri haydar el ibadi bilen körüshti.

körüshüshtin kéyin muxbirlarni kütüwélish yighini ötküzgen jubeyr seudi erebistanning iraqning zémin pütünlükini we muqimliqini qollaydighanliqlirini, pütün mezheplerge oxshash muamile qilidighanliqlirini éytti.

jubeyr ziyariti toghruluq tepsliy melumat bermidi. biraq iraq menbeliri seudi erebistanning iraqqa yéngi elchi teyinleydighanliqini oylishiwatqanliqini, shundaqla adil el jubeyr iraq bilen seudi erebistan otturisidiki ayropilan seperlirini qaytidin bashlash pikrinimu qollaydighanliqini bildürdi.

iraqliq siyasiy közetküchiler jubeyrning ziyaritini iranning iraqta küchiyiwatqan nopuzigha qarshi tashlanghan qedemlerdin biri bolidighanliqini bildürmekte.

27 yil ilgiri seudi erebistan tashqi ishlar ministiri paytext baghdadta ziyarette bolghanidi.