chawushoghlu türkiy milletlerning wekilliri bilen körüshti

türkiye awazi radiyosi xewiri: 5 – nöwetlik türkiye – ukraina istiratégiyelik aliy hemkarliq kéngishi yighin paytext kiyéwde chaqirildi.

yighingha qatnishish üchün ukrainagha yétip barghan tashqi ishlar ministiri mewlüt chawushoghlu aldi bilen pirézidént pétro poroshénko bilen körüshti.

axbarat wasitilirigha yépiq halette ishqa ashurulghan uchrishishta, türkiye – ukraina munasiwetliri we rayonluq munasiwetler muzakire qilindi.

chawushoghlu kéyinche qirim tatarlirining rehberliri, ahiska we kökoghuz türklirining wekillirini qobul qildi, jümlidin qirim tatar xelqining lidéri we ukraina parlamént ezasi mustafa alduljemil qirimoghlu, qirim tatarliri milliy mejlisining bashliqi réfat chubarow, dunya ahiska türkliri birlikining ukraina wekili murat rasulow, ukraina gagawuzliri birliki jemiyitining bashliqi wasili keloghlu we odéssa rayonluq muawin parlamént bashliqi yuri dimchoghlu qatarliqlar bilen bir yerge jem boldi.

chawushoghlu ukraina tashqi ishlar ministiri pawlo klimkin bilen birlikte riyasetchilik qilidighan yighinda, ikki dölet otturisida diplomatik munasiwet ornitilghanliqi 25 – yiligha qedem qoyghanda ukraina – türkiye munasiwetliri her jehettin közdin kechürülidu hemde yéngi hemkarliq imkaniyetliri üstide muhakime élip bérilidu.

ikki ministir kéyinche anadolu agéntliqi muxbirliri fethullahchi térrorluq teshkilatining herbiy isyan urunushi jeryanida tartqan foto süretlerdin teshkil tapqan «15 – iyul türkiyede qandaq özgirishler yüz berdi?» témiliq körgezmisining échilishini ishqa ashuridu.