démokratlar trampning ichki kabént namzatlirini qachan testiqlaydu?
amérika kéngesh palatasidiki démokratlar pirézidént donald trampning edliye, xezine we sehiye ministirliqlirigha körsetken namzatlirini awazgha qoyushni kéchiktürmekte.
türkiye awazi radiyosi xewiri:démokratlardin bolghan kéngesh palata ezaliri edliye ministiri jéf séshinsqa awaz bérishni, kéngesh palatasining sot komitéti yighinini uzartip, 8-féwralgha kéchiktürdi. xezine we sehiye ministirliqlirining namzatlirigha awaz bérishni bolsa, bayqut qildi.
kéngesh palatasining démokratliri trampning xezine ministiri namzati sitiwin manuchin bilen sehiye ministiri namzati tomis pirays üchün ötküzülgen awaz bérishke qatnashmidi. bu sewebtin bélet tashlash kéchiktürüldi. bayqutchilar piraysning sehiye we dora shirketliri bilen manuchin mudiriyet bashliqi bolup turuwatqan wan wést (VAN VEST) bankisi otturisidiki pul-muamile munasiwetlirini seweb qilip körsetti.
kéngesh palatasi tramp qatnash ministirliqigha körsetken iléyn chawning namzatliqini 6 ge qarshi 93 awaz bilen testiqlidi.
donald tramp kéngesh palatasidiki bayqutqa twittér arqiliq jawab qayturup: «démokratlar bizge edliye ministirimizni we kabéntimizning bashqa ezalirini qachan béridu?» dédi we hökümetning ishliyelmeslik éhtimalini tilgha aldi.
