misirning «arallar» ni seudi erebistangha qayturup bérish qarari ret qilindi
misir aliy memuriy mehkimisi, qizil déngizdiki senafir we tiran arallirining seudi erebistangha qayturulushigha dair qararni ret qildi.
türkiye awazi radiyosi xewiri: misir memuriy mehkimisi, senafir we tiran arallirining misirgha tewe ikenlikini, hökümetning bundaq emeslikini ispatlaydighan birer delil – ispat sunalmighanliqini uqturdi we töwen derijilik bir mehkimining «arallarning seudi erebistangha qayturulushi qarari qanunsizdur» dégen hökümining toghra ikenlikini tekitlidi.
sisining bu qarargha étiraz bildürüp asasiy qanun mehkimisige erz sunushi kütülmekte. arallarning seudi erebistangha bérilishi toghrisidiki qanun layihesi hélihem misir parlaméntining testiqlishini kütmekte.
sisi, ötken yili seudi erebistan bilen arallarning qayturup bérilishi bedilige yardem élish kélishimi imzalighanidi. biraq süriye mesilisi tüpeyli riyad bilen qahire arisidiki munasiwetler yirikleshken, seudi erebistan 1 – öktebir (2016) de misirgha néfit ewetishni toxtatqanidi.
seudi erebistan bolsa, arallarning özige tewe ikenlikini, 1950 – yili muhapizet qilinishi üchün misirning kontrolluqigha tapshurghanliqini ilgiri sürmekte.
مۇناسىۋەتلىك خەۋەرلەر
