amérika déngiz armiyesi xadimlirining kimlik uchurliri oghrilandi
amérika déngiz armiyesi yazma bayanat élan qilip, déngiz armiyesi xadimlirining kimlik uchurlirining oghrilanghanliqini uqturdi.
türkiye awazi radiyosi xewiri: amérika déngiz armiyesi yazma bayanat élan qilip, déngiz armiyesi arqa sep bölümide ishleydighan bir xadimning kompyutéridiki mexpiyetliklerning ashkarilinip ketkenlikini bildürdi.
tekshürüsh netijiside weqening 22- noyabirda yüz bergenlikining éniqlanghanliqi eskertilgen bayanatta, « namelum kishiler, nöwette xizmet qiliwatqan, buningdin ilgiri xizmet qilghanlar bolup jemiy 134 ming 386 déngiz armiyesi xadimining kimlik uchurliri, ijtimaiy bixeterlik nomurlirini öz ichige alghan sezgür uchurlargha érishti» dégen ibarilerge orun bérildi.
mesilige alaqidar tekshürüshlerning dawamlishiwatqanliqi qeyt qilinghan bayanatta, uchurliri oghrilanghan xadimlarning ehwaldin xewerdar qilinidighanliqi eskertildi.
bayanatta yene, kompyutéri qolgha chüshürülgen arqa sep xizmetliri xadimining jawabkarliqigha dair hazirghiche héchqandaq pakit yoqluqi qeyt qilindi.
مۇناسىۋەتلىك خەۋەرلەر
