seraqib ahaliler rayoni bombardiman qilindi
esed hakimiyitige tewe bir urush ayropilani suriyening idlib shehirige qarashliq seraqib nahiyesidiki ahaliler rayonini bombardiman qildi.
türkiye awazi radiyosi xewiri: suriye armiyesining bir urush ayropilanining idlibning seraqib nahiyesini bombardiman qilishi netijiside 8 kishi hayatidin ayrildi, 45 kishi yarilandi.
idlibning apetlerge taqabil turush orgini emeldari elfaris, esed hakimiyitige tewe bir urush ayropilanining hawa hujumida yarilanghanlardin on ikkisining kichik bala ikenlikini, bombardiman qilinghan jayda éghir talapet körülgenlikini bildürdi.
suriyening gherbiy shimaligha jaylashqan köp qismi öktichilerning kontrolluqidiki idlib wilayiti we uninggha qarashliq ahaliler rayonliri izchil halda bombardiman qilinmaqta؛ ötken hepte idlibning xas baziridiki bir mektep bilen bir bazar bombardiman qilinip 22 si kichik bala, 6 si oqutquchi, qalghanliri shu jaydiki kishiler bolup jemiy 35 adem hayatidin ayrilghan, nurghun adem yarilanghanidi.
