yéngi ashkarilanghan 11 yilliq setchilik trampni kechürüm sorashqa mejburlidi

türkiye awazi radiyosi xewiri: jumhuriyetchi qanatning pirézidént namzati donald tramp arqa – arqidin detalashlarning otturisida qélishni dawamlashturmaqta؛ trampning bu qétim buningdin 11 yil ilgiriki ayallargha hujum qilish we ularni töwen körüsh mahiyitide qilghan sözlirining sin körünüshliri otturigha chiqti.

mezkur sin körünüshide tramp bilen téléwiziye pirogrammisining diktori billy bush bir aptobusta kiyimlirining yaqisidiki mikrofonning ochuqluqini estin chiqirip, söhbetke chüshüp kétidu, bu esnada aptobusning sirtiki kaméra bu ikkeylenning sözlirini süretke alidu. söhbet esnasida trampning éri bar bir ayal bilen bolghan munasiwitini hékaye qilp bergenliki, ayallar heqqide qopal we nomus qilarliq sözlerni qilghanliqi anglinidu.

sin körünüshi élan qilnghandin kéyin donald tramp yazma bayanat élan qilip, «bu kiyim almashturush öyliridiki oxshash söhbet uzun yillar ilgiriki ish idi. bil kilinton golf top oynawétip méningkidinmu beter geplerni qilghanidi. eger éghirigha ketkenler bolsa, kechürüm soraymen» dédi. emma, trapmning bu bayanati uninggha qaritilghan eyibleshlerni perqliq bir yönilishke ittirdi. u bu qétim «kechürüm sorishing jinayitingdin éghir» dégen eyibleshke duch keldi.

tramp mezkur sin körünüshliri ashkarilanghandin kéyin qilinghan «pirézidéntliq riqabitidin chékinip chiq» dégen chaqiriqlargha «hayatimda héchqandaq bir musabiqidin chékinip chiqmidim. nahayiti küchlük qollashqa igimen» dep jawab qayturdi.

jumhuriyetchi namzat trampning «set» we «qopal» sözlirige repiqisi mélaniya trampmu naraziliq bildürüp, «érimning sözliri qobul qilishqa bolmaydighan yirginchlik sözlerdur. bular men tonuydighan ademge wekillik qilmaydu» dédi. emma u, jemiyetning yoldishigha bir <lidir> dep qaraydighanliqini, shunga uning sorighan kechürümini qobul qilidighanliqigha ishinidighanliqini sözlirige ilawe qildi.