ruméniye türkiye siyasitini ochuq - ashkara otturigha qoydi
ruméniye tashqi ishlar ministiri lazar komanésku, türk xelqini we türkiyening qanunluq organlirini qollaydighanliqini éytti.
türkiye awazi radiyosi xewiri: ruméniye tashqi ishlar ministiri lazar komanésku, silowakiyening paytexti bratislawada chaqirilghan yawropa ittipaqigha eza ellerning tashqi ishlar ministirliri gheyriy resmiy yighinida söz qilip, fethullahchi térrorluq teshkilati / parallél dölet qurulmisining 15 – iyuldiki herbiy - siyasiy özgirish qozghashqa urunush herikitini eyiblidi.
lazar komanésko, «démokratik organlargha we hökümetke qarshi élip bérilghan herbiy - siyasiy özgirish qozghashqa urunush qilmishi tüpeyli otturigha chiqqan kirizisning hel qilinishi üchün, türkiye körsitiwatqan barliq tirishchanliqlarni qollaymen» dédi.
ministir komanésko sözini dawamlashturup, «nato ezasi türkiye muhim bir rayon xaraktérlik aktiyor we ruméniyening istratégiyelik shérikidur» dégenlerni qeyt qildi.
ruméniyening türkiyening yawropa ittipaqigha eza bolush musapisini qollashni dawamlashturidighanliqini eskertken komanésko, yawropa ittipaqi – türkiye munasiwetlirining saghlamlashturulushi kéreklikini alahide tekitlidi.
