ermen qarar lahiyesi türkiyeningla emes gérmanlarningmu naraziliqigha uchridi
atalmish 1915 – yil weqelirige munasiwetlik ermen dewalirigha dair qarar layihesining gérmaniye fédératip mejliside qobul qilinishigha bolghan naraziliqlar dawamlashmaqta.
türkiye awazi radiyosi xewiri: gérmaniyening qararigha yalghuz türkiyela emes, gérmaniyening ichidinmu naraziliqlar bildürülmekte؛ bu qatarda gérmaniyening dangliq heptilik xewerler zhurnili ‹stérn›mu naraziliq bildürdi... xans ulrix yargisning zhurnalda élan qilinghan maqaliside, gérmaniye fédératip mejlisining qarari qattiq tenqid qilindi.
yargis maqaliside, «bizning ötmüshimizde nahayiti éghir bir qirghinchliq bar. biz buni qobul qilmaymiz. shunga, biz bashqa milletlerning ötmüshi toghrisida qarar chiqarmasliqimiz lazim» dégen ibarilerni ishletti. maqalide, qararning türkiyening gérmaniye we erméniye bilen bolghan munasiwetlirige selbiy tesir körsitidighanliqi alahide tekitlendi.
yargis maqaliside, «bu qarar bilen birlikte türk – gérman munasiwetlirige nahayiti éghir ziyan yetküzidighan bir ehwal shekillendi. bu qararni chiqarghuchilar türkler bilen ermenler arisidiki munasiwetlerde yéqinlishish körülidighanliqini ilgiri sürmekte. lékin, del eksiche ikki dölet arisidiki munasiwetler téximu chigishliship kétidu» dégenlerni qeyt qildi.
