amérika: p y d gha yardem bériwatimiz, chünki...
amérika qoshma ishtatliri tashqi ishlar ministirliqi bayanatchisi jon kébining washingitonning térrorluq teshkilati p k k ning süriyediki quyruqi p y d ni qollawatqanliqini élan qilishidin kéyin, bu qétim yardemchisi mark tonérmu shundaq bayanat élan qildi.
türkiye awazi radiyosi xewiri: tonér muxbirlarning jumhur reis rejep tayyip erdoghanning bu heqte washingitonni tenqid qilghanliqigha qarita soallirigha jawab bergende, türkiye bilen amérikining ittipaqdash ikenlikini, bu heqte türkiye dairiliri bilen chongqur we jiddiy söhbet élip bériliwatqanliqini tekitlep, «türkiyening p k k mesilisige bolghan sezgürlükini chüshinimiz, biraq p k k bilen p y d bir - birige oxshimaydu, jümlidin bu mesilide türkiye bilen oxshash qarashta emesmiz. térrorluq teshkilati p k k ni qaytidin türkiyediki térrorluq hujumlirigha xatime bérishke chaqirimiz, türkiye dairilirining p k k ning hujumlirigha jawab qayturush mesuliyiti bar, biz jiddiychilikning axirliship, qaytidin söhbet ötküzülüshini ümid qilimiz» dédi. tonér türkiyening amérikigha p k k bilen p y d ning munasiwiti barliqigha dair delil – ispatlarni körsetkenlikige munasiwetlik soalgha jawab bergende, «türkiye bilen dawamliq söhbet ötküzüwatimiz, herqandaq bir yéngi melumat bolsa xushalliq bilen qobul qilimiz» dédi. jumhur reis rejep tayyip erdoghan tünügün amérika hökümitige xitab qilip, «p y d mu, y p g mu oxshashla térrorluq teshkilatidur. i amérika! sizge qanche qétim éyttim, siz biz bilen billimu? yaki térrorluq teshkilati p y d we y p g bilen billemu?» dégenidi.
