یوکرین امن مگر روسی صدر جنگ چاہتے ہیں: جرمن چانسلر
جرمن چانسلر نے کہا کہ ہم یوکرین کی فوجی امداد جاری رکھیں گے،یوکرین امن کا خواہاں ہے لیکن یہ مشکل ہوتا نظر آرہا ہے،سر پر پستول رکھ کر آپ امن کی بات نہیں کر سکتے مگر لگتا ہے روسی صدر یہی چاہتے ہیں
1959468
جرمن چانسلر اولاف شولز نے کہا ہے کہ روس امن معاہدے کا احترام نہیں کر رہا جبکہ ہم یوکرین کی فوجی امداد جاری رکھیں گے۔
شولز نے بھوٹان کے وزیراعظم لوٹائے شیرنگ کے ہمراہ بربرلن میں مشترکہ پریس کانفرنس کے دوران کہا کہ روس نے یوکرین کے خلاف جنگ جاری رکھی ہوئی ہے،وہ نئے دستوں کو محاذوں پر بھیج رہا ہے جس پر اس سے مذاکرات کرنا نا ممکن نظر آتا ہے ۔
جرمن چانسلر نے کہا کہ ہم یوکرین کی فوجی امداد جاری رکھیں گے ،اس وقت ہمارا مقصد صورتحال کو تبدیل کرنا اور منصفانہ بحالی امن کی کوششوں میں یوکرین کی مدد کرنا ہے،یوکرین امن کا خواہاں ہے لیکن یہ مشکل ہوتا نظر آرہا ہے،سر پر پستول رکھ کر آپ امن کی بات نہیں کر سکتے مگر لگتا ہے روسی صدر یہی چاہتے ہیں۔